Түркістан төрінде қазақ поэзиясының мұзбалақ ақыны Мұқағали Мақатаевтың туғанына 95 жыл толуына орай «Мұзбалақ ақын – Мұқағали» атты әдеби-танымдық кеш өтті.

«Достық үйінде» өткен тағылымды шара поэзия сүйер қауымға ерекше әсер сыйлап, жыр әлеміне жетелеген рухани кездесу болды.

Кеш барысында:

– Іс-шараны Түркістан облыстық «Қоғамдық келісім» КММ басшысының орынбасары Ерназар Көпжасарұлы Баетов ашып, ақын мұрасының мәні мен маңызына тоқталды.
– Мұқағали Мақатаевтың өмірі мен шығармашылығына арналған бейнеролик көрсетілді.
– Ақын сөзіне жазылған «Саржайлау», «Сенің көзің», «Мен деп ойла», «Жас қайың», «Туған өлке» әндері шырқалып, көрерменнің ыстық ықыласына бөленді.
– Жас буын өкілдері ақынның жүрек тербетер өлеңдерін нақышына келтіре оқып, поэзияға деген құрметтерін көрсетті.
– Кеш соңында белсенді қатысушылар марапатталды.

Шараға «Қоғамдық келісім» КММ қызметкерлері, ҚХА құрылымдары мен этномәдени бірлестіктер мүшелері, Ассамблея жастары, студенттік Ассамблея өкілдері және этнос жастары рухани кештің куәсі болды.

Бұл кеш – Мұқағали жырына деген құрметтің, ұлт руханиятына деген жанашырлықтың жарқын көрінісі болды.

«Поэзия – менімен егіз бе едің?» деп жырлаған ақын мұрасы – мәңгілік. Мұқағали жыры халқымен бірге жасай береді.