Мемлекет басшысының тапсырмасына сәйкес, Сайрам ауданында ел бірлігі мен қоғамдық келісімді нығайтуға бағытталған маңызды әлеуметтік-мәдени нысан – «Достық үйі» пайдалануға берілді.
Ашылу салтанатына Қазақстан Республикасы Парламенті Мәжілісінің депутаты Ұласбек Сәдібеков, «AMANAT» партиясы Түркістан облыстық филиалының төрағасы, облыстық мәслихаттағы партиялық фракция жетекшісі Алтынсары Үмбетәлиев, облыстық қоғамдық даму басқармасы басшысының орынбасары Нұрсұлтан Сейтжанов,облыстық «Қоғамдық келісім» КММ-нің басшысы Эльмира Жанғазиева, сондай-ақ Сайрам ауданының әкімі Мадияр Оразалиев қатысып, аудан тұрғындарын айтулы оқиғамен құттықтады.
Бүгінде халқы 242 мыңнан асатын Сайрам ауданында 39 этнос өкілі тату-тәтті өмір сүріп келеді. Ауданда 8 этномәдени орталық тұрақты жұмыс істейді.
Жаңа «Достық үйі» этносаралық келісімді нығайтып, қоғамдық бірлікті арттыруға, мәдени байланыстарды дамытуға қызмет ететін маңызды рухани әрі қоғамдық алаң болмақ.
Ел бірлігі – ең басты құндылығымыз!
